Ciza Trabadjadera

Ciza trabadjadera 

contado storia di ciza ku Nhu Naxu, la de casa de desgosto. Guentis k flado ma na Rubera ta cumeba pom ku agu lópi, ta spera sol raboita pa trazi nobidade pa es.. 

cuzcuz biras seco: ta trancas na garganta cima cuza ke fazedo so de farinha trigo sem num pingo d'agu. Nhu Naxu deseperado ta ba busca três por diá, ali bem tempo k nem bidiom é ka ta pega k fari txitxaro. 

 Ciza ku Neia ta ri ta galopia la tras de casa de Marçalina, es ka sabia kuse k sorte tinha pa es na kel noti k strela fuchi de ceu, anjos abandona nuvem, txuba nega dixe riba kutelo, tempo ta rafila kos cima kusa ke pagadu.

 coitado nhu Naxu. Sem ramede, sem nenhum tistom na bolso, restal so sperança na peto, pe ba pinga na boca de si mudjel, mai de si fidjo pikinoti. 

 nhu Naxu é um homi de sorti, si k mamai ta flaba el. Nhu Naxu ta odjabu na sorriso de ciza, sperança ma na meio de seca cima kusa k tinha um flor bonito k naceba na ses kintalinho pa animaba ses casa. ta trazeba luz! ta trazeba sperança! 

Ciza ta fetiféti ropa cima kusa ke dodo, ta bari de quintal ti boroncera, ta rende mas k arroz de pobre, ku sorriso largo de strada de serra malagueta ti k camba Tarrafal de ilha de santiago. 

Ciza tinha fé, tinha sperança, tinha graça ti caba na nada! ciza é mudjel trabadjadera. Bassora tem raiba del, panu txom ta djobel ku fastiu, sponja loça ta intial tudo bez ke soma na quintalinho...

 Ciza kria ganhaba vida, ganhaba força recuperaba si fé na meio de um mundo intero k ta flal ma si dia podia staba contado, pa tanto pobreza ke tinha... 

Ciza ka conchi maquiagem, Ciza era bonita ti k ta dué! iza ka chinta na skritóri mas é ta lofiba bo comberso bu ta pensa papagaio na aitura ta canta. Ciza tinha garra sem nunca ser águia. Ciza tinha sonho, tinha alma, tinha vida! 

Ciza era tamanho dimas pa mimal, pikinoti dimas pa spantal. Ciza era malgós cima babosa su mexel, mas dochi cima mel horas k nhu Naxu txigaba casa. 

Ciza tinha sonhos... sonhos bonitos, sonhos grandes... ciza era berdiana, ropiá, siática... el era muiel ti caba na nada! 

 ciza é mi, é bo, ciza tem rosto de mudjer de mundo intero.

Autora: Dicla Gonçalves

8 Março, dia Internacional das Mulheres, aproveitei para partilhar convosco este magnífico texto escrita pela Mulher, sobre a Mulher,,, obrigada Dicla Ginçalves. 

 Rúben Moreira